本集「暢樂客語屋，WOW！」節目主題係「仰般安排高效率个一日」，由主持人瑜琦摎敏莉帶領聽眾討論仰般有效率个安排生活摎學習時間。節目中還到校園進行街訪，了解學生仔在尞日个活動安排，大體係搞手機仔、睡目還有打球，較少講著寫作業，顯示時間規劃个重要性。
為著幫助學生仔提升效率，節目特別邀請光復國小个陳育璿小朋友分享自家个經驗，主持人乜紹介實用个方法，包括用行事曆區分「學習」、「工作」摎「運動」時間，還過搭配「愛辦清單」列出逐日3到5項重點事項，優先處理重要个事情。另外，推薦「番茄鐘工作法」，透過25分鐘專心摎5分鐘歇睏个節奏，提升學習效率乜較毋會𤸁。
節目盡尾乜提醒聽眾愛安排適當个歇睏時間，比論講睡目前花5分鐘想看啊該日做个事情摎調整第二日个安排。透過這兜方法，扌帣手學生仔把握時間，養成好个習慣，提升一日个效率。
