這馬有時像我暗時，有時出來接阮查某囝的時陣，十點、十一點，你看路裡，(閣有人咧送)，路裡閣有人咧送，真正彼台粉紅色的，(足拍拚)，足拍拚，佇遐一直走。我想講奇怪，伊哪會遮骨力?尾仔想著你頭仔講這个觀念，「罔趁較袂散」，就是講，我趁我少年加走寡，我若加走一單就加65箍，若加走寡，其實我嘛會當趁袂少錢。有的少年家，我彼工小可仔佮伊開講，伊講無，蹛厝嘛是看電視，(看電視、拍電動)，手機仔按呢爾。其實咱走走咧，其實伊講，四界行、四界看，閣知影佗位有啥物好食的，伊感覺按呢嘛誠趣味，我感覺少年家會當按呢想嘛袂䆀。