「行船走馬三分命」，因為早期航業技術無講足好，所以萬不二若風湧較大，會反船，(彼有危險性)，性命就烏有去。有時像咱以早咧發展的歷史嘛講:「唐山過臺灣，心肝結規丸。」有聽過乎?因為是按怎?就是愛經過烏水溝，臺灣海峽。烏水溝若風湧較大，規隻船仔就會按怎?(反去)，所以「行船走馬三分命」，所以行船是危險佇遮。啊若走馬，「走馬看真珠」，你走馬足緊，真珠咧？大粒抑是細粒，(足細粒啊)，你騎遮緊的馬，欲揣遮細粒的真珠，表示你愛按怎？(目色足好)，目色好，而且叫你愛沓沓仔來、寬寬仔是，(寬寬仔揣就著啊)，無你有時走遮緊，根本就看無，(sut一下就過矣)。