阿如 ，今仔日想欲和聽眾朋友分享這句 「大狗盤牆，細狗看樣」 ，意思是講做爸母的抑是做序大的人,若是家己行為無四正,就會害囝仔綴咧烏白學。其實咱咧教囡仔 、序細的時 ，重點毋是序大講啥貨，是咱做啥貨予序細來學。誠可惜，佇咱台灣社會，足濟序大咧管教囡仔的時陣，攏是「有喙講別人，無喙講家己」，家己看電視的時，煞叫囡仔毋通看，共趕去寫功課，囡仔人攏是 「雞母跳牆，雞仔囝看樣」 、 「 有樣看樣 ，無樣家己想 」， 所以咱大人就愛有好模樣。
巷仔口的臺語
- 首播日期 :
- 2018/05/16
- 主持人 :
- 鄭安住
臺灣台語教學單元~節目內容以教育部臺灣台語常用詞辭典俗諺為架構，搭配時事或故事，以輕鬆的題材為主，用對話方式進行臺灣台語教學，介紹有趣的臺灣台語。
( 註：依文化部113年6月20日函示，國家語言名稱優先使用「臺灣台語」等。基於本節目係本臺107年本土語言製播成果，爰維持原節目名稱及音檔，以利聽友點選收聽；但網站資訊及標籤，配合調整。)
