「上轎才欲放尿」應該是『 臨時抱佛腳 』的意思。古早新娘出嫁攏愛坐轎 ，而且新娘轎欲出門一定愛揀良時吉日，當當時辰到矣，欲起轎新娘才喝講欲放尿，按呢延延落去就袂赴市囉。代誌愛先做起來囥，按呢才袂耽誤時間。講著起轎，我就想起以早阮學校主任娶某，我做伴娶捌聽媒人婆按呢講 「 幸福姻緣天註定，向望入門翁姑疼。嫁入翁門心免驚，勤儉骨力好名聲。轎內坐倚愛端正，期待翁婿有官名。阿母吩咐著愛聽，水潑落地轎起行。」 這種四句聯仔實在真好聽
巷仔口的臺語
- 首播日期 :
- 2018/05/16
- 主持人 :
- 鄭安住
臺灣台語教學單元~節目內容以教育部臺灣台語常用詞辭典俗諺為架構，搭配時事或故事，以輕鬆的題材為主，用對話方式進行臺灣台語教學，介紹有趣的臺灣台語。
( 註：依文化部113年6月20日函示，國家語言名稱優先使用「臺灣台語」等。基於本節目係本臺107年本土語言製播成果，爰維持原節目名稱及音檔，以利聽友點選收聽；但網站資訊及標籤，配合調整。)
