臺語數字較複雜的讀法是用佇排順序、講月分、日期的時陣，頭兩个咱愛用文言音，賰的就用白話音，親像第一名、第二名、一月 初二，一、二攏愛讀文言音；第三名、第四名、五月初六遮攏愛讀白話音。若是文白音透濫做伙，逐家就愛分予清楚，親像一月初二、三月十四、五月二六、七月初八。普通咱咧算物件的時，因為是生活用語，所以愛用白話音，親像一尾魚、兩隻雞 、三欉樹仔 、四蕊花、五粒楊桃 、六條菜瓜 、七个人食八塊粿。