「大格雞慢啼 」，有的人是講 「大隻雞慢啼 」，每一个人發展有緊有慢，毋是講細漢讀無冊，大漢就無出脫。你頭仔講的攏是早期臺灣教育的現象，彼个時陣老師因為一人愛教四、五十个學生，上課節數閣誠濟，學校叫伊做的穡頭閣濟、負擔較重，若無法度掠著囡仔心理，教學柴柴死死、袂變竅，按呢伊會教甲艱苦罪過，莫怪較無耐性。毋過老師罵人本成就毋著，尤其是做老師的人罵學生囡仔這句 「牛就是牛，牽到北京也是牛 」，這真正毋是好代誌。若是佇馬這个罵人的老師，一定會予家 長投。