「一暝全頭路，天光無半步。」這句俗語其實有幾若種意義。頭起先是講暗頭仔，逐家咧討論的時，有的人對某一項代誌講出誠濟想法，閣轉工若照伊所講的話去做， 根本都做無路來，這是因為伊無實際經驗 、考慮無夠頂真 ，這个時陣「一暝全頭路，天光無半步。」 就代表伊講的話攏無效，『不切實際』的意思。紲落來，另外一 種意思是講雖然伊誠𠢕講， 嘛提出足濟方法，毋過真正欲做的時伊就阿婆仔閬港，干焦出一支喙、一喙掛雙舌，空喙哺舌講規堆，無影話嘛講甲規大篇，這種人予人想著就厭氣。