「𠢕算」是講有人做代誌，事先誠𠢕拍算、嘛足𠢕鋪排；「拄搪 」是拄著抑是搪著。代誌的發展，往往毋是完全照咱的意思咧發展，有時會臨時拄著啥代誌、有時雄雄會搪著啥物人，這款代誌攏是咱無法度事先控制的。俗語講 :「千算萬算不值天一劃 」就是這種意思。上蒼若已經安排好勢，你閣假𠢕嘛無路用，人𠢕毋值命運做對頭。