「手抱孩兒，才知爸母時」，是講等到咱做人爸母的時，就會知影當初時爸母晟囡仔的艱苦。當我想欲歇睏的時，紅嬰仔顛倒精神足好，攏會倚過來欲揣我，雖然伊猶袂曉講話，毋過喑喑唔唔，嘛是一直臚，真正是「一个囡仔，較鬧熱三个大人」。甚至半暝仔腹肚枵，毋管大人敢有咧睏，伊就嘛嘛吼，橫直伊就是欲食奶，害我就愛緊起來泡牛奶予伊啉，若飼若盹龜，這馬想起來實在真好笑。