「一人煩惱一樣，無人煩惱親像」，逐个人攏有無仝的煩惱，敢若華語所講的:『家家有本難念的經』。不而過，論真共想想咧，憂頭結面是一工，歡頭洗面嘛是一工，佇遐煩惱東、煩惱西，不如就盡咱的本分，先共眼前的工課做予好。做學生的就好好仔讀冊，充實家己的智識佮能力；做家長的就共厝內的代誌發落好勢，共囡仔顧予好；食頭路的人，就共頭家交代的工課做予著、做予好、做予媠，按呢較規氣啦。「一人主張，毋值兩人思量」、「濟人濟跤手，加人加福氣」，凡勢咱無法度的所在，別人就有誠好的處理方式。