台灣歌仔有故事性的歌謠演唱，咱叫這種表演藝術形式做歌仔曲、唸歌仔或唸歌.「唸歌」是臺灣特有的一種說唱藝術。表演方式是一個人或者是幾個人配合月琴、大廣弦、簫、品仔、鑼鼓等樂器伴奏，其中月琴是上捷用 上主要的樂器。說唱內容大部分是傳統故事、民間傳說或者勸世向善為主。唸歌時使用的曲調就由表演者，配合故事內容自由變化，上捷用的有七字仔調、江湖調、都馬調，有時嘛有用民謠 小調…。阿那台灣屏東縣恆春鎮，有誠特色的當地民謠，慇用《思想起》、《牛尾絆》、《五孔小調》、《四季春》、《平埔調》等曲調自彈自唱，有時嘛會加上大管弦、殼仔弦、民樂二胡等伴奏。

咱來講「歌仔冊」是啥物? 歌仔冊就是將「唸歌」內容 文字化以後 印刷成冊，會用講是說唱時使用的「文本」，但是實際唸唱時會隨藝人臨場演出做改變。「歌仔冊」的形式，通常是「一句七字、一葩四句」，用漢字或者借音的韻文表現，伊的內容除反映出各階層人民的生活經驗外，也是當時的台語語彙記錄，是足珍貴的社會史資料。我捌去新竹竹林冊局買誠濟歌仔冊, 歌仔冊攏細細本仔，伊量約15公分長 9公分的闊，囥佇手碟仔嘟嘟好。

歌仔冊佮唸歌有教育、捌字、娛樂、 商業的價值，是台灣文化的寶藏。