這是古早查埔追求女性成功的條件，一錢就是愛厝裡有錢，足濟媠姑娘攏想欲『嫁入豪門』；紲落去愛有緣份，所以講二緣；第三你愛生做緣投；第四袂當傷老，這就是「一錢，二緣，三媠，四少年」的意思。有的人較激骨，尾仔閣共其他的條件順紲鬥規捾，煞變做「一錢，二緣，三媠，四少年，五好喙，六敢跪，七皮，八迷戀，九強，十敢死，十一雄，十二無天良」。