「佇厝講台語」第一集的節目中，嘉芬校長佮淑惠老師先簡單紹介這个節目的內容，阮逐禮拜攏有固定的主題，拜一是分享學生佇學校發生的心適代，拜二是鬥陣來講上愛食的物件，拜三是想看覓啥物代誌當時行，拜四做伙討論安全的重要性，拜五分享欲去佗𨑨迌。

而且每一集阮攏會邀請一位學生來做咱的來賓，陪伊練台語，嘛聽伊分享生活中趣味的故事。

今仔日是拜一，主題是分享學校各種趣味的社團，有運動、有音樂嘛有舞蹈等等，有影真豐沛。雖然參加社團練習有當時仔足辛苦，毋過食苦當做食補，有付出就一定會有好成就。參加社團毋若會當學習才藝，嘛會使培養重要的能力佮態度。

透過今仔日的節目，鼓勵學生和厝裡的人分享討論，增加佇厝講台語的機會。