囡 囝的用法
逐家好，歡迎收聽「台灣閩南語我嘛會」（閩南語）、「台灣閩南語我也會」（國語）單元

閩南語：亦如，我前幾工去作評審，發覺著咱即馬的囡仔濁音攏無去矣，親像我、五四三、囡仔、目眉、萬一，發音攏毋著。

國語：老師，我也發現到現在的學生常把「囡仔」講成「印仔」這個問題，可能要請家長、老師一起來幫忙。

閩南語：咱台灣俗語講：「三人若仝心，烏塗變成金」若是學校、家庭閣社會三方面作夥鬥相共，台語的推動、傳承著會更加成功。其實，毋但發音有問題，用字嘛定凸槌。像講囡仔兄、乖囝、孔子公這三个所在，咱是建議用字無相仝，按呢才有法度予逐家看著字，隨讀出正確的發音，毋免佇遐臆規晡。

國語：「孔子公」的「子」用子這個字我會，那，老師「囡仔兄」要用哪一個字？「乖囝」又要用哪一個字？不是都用外邊一個大口，然後裏邊一個子嗎？

閩南語：為著「字音分工」，咱是建議若是講著「囡仔兄」、「乖囡仔」、「囡仔款」等等，發音是gin2，咱就用外口一個大口，然後內底一个女士的女；若是講著「生囝」、「囝兒」、「査某囝」等等，發音是kiann2，咱就用外口一個大口，內底一个孔子的子。這兩字的華語注音都是ㄋㄢ。

國語：也就是說「囡仔兄」、「乖囡仔」、「囡仔款」發音是gin2的時候，就用外面一個口，裏邊一個女；「生囝」、「囝兒」、「査某囝」發音是kiann2的時候，就用外面一個口，裏邊一個子。反正都是指孩子，男女都兼顧，還蠻有兩性平等的概念。