算數的用法
 

亦如，你數學學了按怎？

國語：老師，我數學學得很好，所以我很會算帳。

閩南語：華語的「算帳」，台語叫算數。毋過數的本字是「數學」的數，所以咱講「算帳」，台語用字愛寫作「算數」，有足濟古冊攏是按呢紀錄，所以咱愛尊重。

國語：喔！怎麼這麼複雜？難不成國語有破音字，台語也有？

閩南語：著是按呢，像你若讀作「siau-bak」是指「帳目」的意思；若讀作「soo-bok」著是「數目」的意思，「siau-bak」、「soo-bok」的台語用字攏是「數目」，這著是你講的破音字的觀念：用字仝款，發音無仝。

國語：這個很好玩，老師，有沒有類似的例子？

閩南語：有啊，像講「san-sui」、「suann-tsui」這兩个詞用字攏是「山水」，毋過「san-sui」是講天然的景物，「suann-tsui」是「山泉水」的意思。

國語：聽起來，台語還很有學問的樣子。

閩南語：其實「數」這字讀「siau」的音，閤有誠濟所在，像講「數念」是指「掛念、想念」；「數簿」是指「帳簿」；「數想」是指「貪圖、夢想」。時間的關係，今仔日著先介紹到遮，後擺空中再相會。