125 - 好囝毋免濟，濟囝餓死爸

有一句俗語講「好囝毋免濟，濟囝餓死爸。」 「好囝毋免濟」咱是會當理解，人講:「番仔薑會薟一條就有夠」，(番薯好食免大條)，好囝若是真將才毋免濟，當然是逐家攏將才上好啦，毋過嘛毋免濟，猶毋過濟囝是按怎餓死爸?濟囝毋就像老師講的:「輪火鬮」。「輪火鬮」，毋過是輪來輪去，輪到老歲仔出代誌，變做捒⁴來捒去，捒到尾仔，變做按怎?「濟囝餓死爸」，顛倒對老爸較無好。所以講「好田地不如好子弟」，咱共囡仔教予好，甚至無一定愛足濟个，一个、兩个若有法度好好共咱照顧，我感覺咱老以後顛倒生活較固定，按呢較好。