52 - 一斗較贏九石

針對農產品銷問題，我講一句俗語來予聽眾罔做參考。其實咱老祖公足早就教咱講 :「一斗較贏九石 」。我佇遮補充一下，一斗是十斤，一石是一百斤 ，是按怎一斗十斤的物件，賣出去價數竟然比九石，亦就是百斤閣較好 。其中必有緣故，機關囥佇倉庫。以早祖先的經驗提醒咱愛製作產量較少、幼路的物件，按呢才會當提升農產品的價值 ，賣有較好的價數。