14 - 人無照天理，天無照甲子

逐家攏知影，遮熱的天氣佮地球環境受破壞有誠大的關係，今年干焦七月份就有三百六十五个人因為這種熱傷害送急診；八月份超過37 度的日子嘛破120 年來的紀錄，會有這種天氣，攏是咱人類家己做得來的，這就是咱祖先講的:「人無照天理，天無照甲子」的道理。「天氣多變化，出門紮雨傘」、「甘願做衫奴，毋通予衫誤」，提醒咱佇天氣變化的時陣，出門愛紮雨傘佮裘仔，按呢才袂破病。