122 - 幼秀跤，好命底

以早叫做縛跤，早期臺語寫做「纏足」。「細跤是娘，大跤是𡢃。」聽有無?「娘」是指姑娘仔，(娘囝)，娘囝，啊若「大跤是𡢃」，是指查某𡢃。女婢閣有分「粗𡢃」佮「幼𡢃」，你敢知影?古早偌趣味，粗𡢃是啥?來臆看覓?你看查某𡢃有粗、有幼，分佇佗位？𡢃就是你頭仔講的做粗工，無縛跤，做一寡較粗重的工課，像去灶跤煮食、(煮飯)，去外口買菜、(洗衫)、擔物件，這叫做粗𡢃；啊若「幼」，幼𡢃就是綴佇夫人、小姐身軀邊，咧共奉待、侍候遐的人，所以「幼秀跤，好命底。」就是按呢。甚至早期閣會講按怎?「看跤無看面」，(看跤無看面)，咱現代攏是看面無看跤，毋過古早是講「看跤無看面」。