140 - 坐予正，得人疼

老師，咱一般訂婚的時陣，新郎攏愛替新娘掛手指，媒人婆就會講:「新娘坐予正，日後得人疼」，(食新娘茶講好話啦)，著啦，我訂婚的時陣嘛是按呢，毋過是按怎「坐予正」佮「得人疼」有關係？其實「坐予正」，就是咱講:『坐有坐相，(站有站相)』，這就是講自細漢咱會要求愛有一个好規矩，這足重要，(為啥物?)，因為有時你若無好規矩，像咱咧講囡仔，「囡仔三歲牢皮，五歲牢骨。」所以有時足濟生活習慣，你若無共教予好，伊可能就烏白來，所以「坐予正」就是要求你愛按怎？愛有規矩，咱逐項代誌，守規矩，而且人頂真，才會予人疼入心，按呢聽有無？所以毋通講等伊大漢，毋通等，這馬就愛教。