58 - EP58啥物當時行－惜略當時行

「佇厝講台語」第五十八集：啥物當時行--惜略當時行

今仔日是拜三，咱欲講的主題是「啥物當時行」，邀請著大同高中的王則謙同學來現場做伙討論「惜略」的觀念。

則謙同學分享珍惜物件上簡單的方法就是「會當用就莫拍損」。伊講雖然新款的手機仔足涎人的，毋過家己的手機仔用兩冬功能猶真好，會使繼續用；阿爸送的球鞋，逐擺拍球煞，轉去到厝攏會用布共伊拭予清氣，按呢鞋仔才袂緊垃圾去。珍惜物件是體諒爸母趁錢辛苦佮負責任的表現。

最後主持人鼓勵聽眾轉去厝裡佮爸母分享愛惜物件的感想，嘛會當增加佇厝講台語的機會。