132 - 有燒香有保庇，有食藥有行氣

我以早捌有一个學生，考試前一工緊張甲睏袂去，睏袂去尾仔只好食愛睏藥仔，食一下睏過頭，隔轉工精神足䆀的，規个攏重考，所以有時這就是講，莫講校長迷信，我感覺這「有燒香有保庇，有食藥有行氣，你若無去你會出代誌。」所以有時這我嘛感覺趣味趣味，像有時咱食中藥，咱加減食，血氣若會通，就較袂發生代誌，『通則不痛，痛則不通』，彼是廣告攏按呢講，雖然講這毋是鼓勵迷信，這是講「有燒香有保庇，有食藥有行氣」，就是講咱愛有準備。「看醫生就食藥，問神明就毋著。」你若破病的時陣，愛去看醫生，看你到底是佗位無爽快，毋通閣去廟裡抽藥籤，這就較毋好。「有燒香有保庇」，咱認真拍拚，共所有物件攢予好勢，咱運氣若來，咱就好好仔共成功落去；若有時失志嘛無要緊，橫直「有燒香有保庇」，後擺咱一定會成功，這是咱愛堅持的觀念。