62 - 一日走拋拋，一暝點燈膋

「一日走拋拋，一暝點燈膋。」「膋」是豬仔體內的油 古早無電火的時陣，「燈膋」就是提豬油做的油燈。一日走拋拋，是講你日時四界摸飛，無好好仔運用時間，等到暗時，姑不而將才來點燈膋加班。愛調整家己時間的安排，毋通按呢『本末倒置』。按呢毋著喔。下暗是欲予你歇睏的時間，你煞用來做代誌，透早你嘛是愛去上班著無,日時愛上班，暗時毋好好仔歇睏，按呢逐工睏無飽眠，對身體是誠大的傷害，緊縒慢會出問題。