134 - 死蛇活尾溜

死蛇活尾溜，其實這是一个形容，就親像杜蚓仔仝款，杜蚓仔你共切做兩橛¹，伊仝款會跳、會振動。這意思就是講按怎?毋是講伊強調性命力足強，咱祖先共咱教示，死蛇是按怎閣會活尾溜?教示講，你做代誌一定愛做予媠氣，愛共物件做一个結束，毋通留一个尾佇遐。你若留一个尾佇遐，(顛倒麻煩)，「一不作，二不休，三不作結冤仇。」有時後擺顛倒人講:「蛇拍無死，顛倒惡。」就是按呢，你做代誌一定愛共做予澈底。