83 - 大人儉一喙，囡仔食甲飫

有兩條俗語，用字相仝，毋過意思差足濟 ，彼就是「大人儉一喙，囡仔食甲飫」，佮「 囡仔食甲飫，才有通落公媽喙 」。你看內底攏有「囡仔食甲飫」，不而過兩句俗語的意思天差咧地。 「大人儉一喙，囡仔食甲飫」是講大人減食一喙，囡仔人毋但會當食飽，甚至閣會食甲起厭𤺪，這是老大人疼孫定咧講的話，算是正面的俗語，毋過若是「囡仔食甲飫，才有通落公媽喙」，是 咧講有的人真不孝，先顧囡仔，完全無帶念序大人，等囡仔食賰的，才提予爸母食，抑就是「飼囝無論飯，飼爸母算頓」 的意思。