138 - 西瓜倚大爿

其實這是一種心理學的現象，彼叫『從眾效應』。講較白的，咱臺語就是啥?「攑香綴拜」，(攑香綴拜)，本來像你，你頭仔是欲家己騎車，毋過因為足濟人想欲坐車，你就想講:「好啦，人攏按呢，我嘛按呢。」足濟代誌咱家己心頭掠予定，你欲按怎做，無一定講一定愛綴人按呢。就親像這馬家長嘛足可憐，看著人的囡仔去補才藝，嘛愛綴咧補；欲補英語，阮囝嘛欲補英語，攏咧攑香綴拜，其實囡仔敢有興趣?這是一个重點。建議遮的家長，咱愛尊重囡仔特殊的興趣，因為就是講，你攏佮人仝款，你就無特色，你愛佮別人無仝款，其實每一个囡仔攏足重要、攏足特別的，所以愛發展囡仔佮別人無仝款的才能，無一定愛「攑香綴拜」、「西瓜倚大爿」