38 - 查埔囝得田園，查某囝得嫁粧。

親像查某囝欲出嫁，傳統觀念是 「查埔囝得田園，查某囝得嫁粧。 」你欲嫁矣，爸母蓄予你的嫁妝算你的，毋過老爸往生了後，厝裡田園攏算查埔的，查某囝是袂當分財產，莫怪人會講 :「闊喙查埔食四方，闊喙查某得嫁粧 。」其實這馬的社會觀念已經佮古早無仝，連女性嘛當作總統矣。 嘛有人滾耍笑，講以早是『養兒防老』 ，現代要『養老防兒』，所以「生查某免悲傷，生查埔也免歡喜 」，「查埔也著疼，查某也著晟 」。