135 - 老的老步定，少年的較懂嚇

咱講:「老的老步定，少年的較懂嚇。」(少年的較懂嚇)，懂嚇是講你較無經驗，可能做代誌較衝碰按呢。所以有時就是講，其實經驗是沓沓仔粒積的。所以有時若講老的是按怎?因為伊活較久，拄著代誌較濟，(處理代誌的經驗較濟)，伊就知影鋩角佇佗位，伊就知影應該對佗位去?我應該揣啥人講，我應該對佗位去共遮的物件收予起來，因為伊有經驗，所以「老的老步定」。所以有時「過橋較濟你行路，食鹽較濟你食米。」這就是咧形容老大人是靠經驗，無一定攏愛想講，老的攏袂曉，其實「老的毋講古，少年就毋捌寶」、「毋聽老人言，你會拖屎連」、「毋聽老人話，你會真狼狽」，所以有時咱愛尊重老大人。