31 - EP31學校心適代－我的𨑨迌伴

「佇厝講台語」第三十一集：學校的心適代-我的𨑨迌伴

今仔日的節目中，嘉芬校長佮淑惠老師歡喜宣佈第二季開播，閣紹介這季的固定主題：拜一分享學校的心適代，拜二來講食的，拜三講時行代，拜四講安全，拜五討論欲去佗𨑨迌。

本集是拜一「學校的心適代」，特別邀請全國優等的南港國小楊冠翊來現場。節目中冠翊分享佮好朋友走相逐的趣味，嘛講著若有人輸袂起的時按怎應對。主持人嘛提醒小朋友，同齊𨑨迌愛遵守規則佮控制情緒，才袂造成別人的困擾。

最後鼓勵聽眾轉去厝裡佮爸母分享校園的趣味代，增加佇厝講台語的機會，毋但提升口說能力嘛會使培養感情。