53 - EP53適合在教室種个植物推薦
本集《暢樂客語屋,WOW!》節目主題係「適合在教室種个植物推薦。」大家知有麼个植物適合種在教室肚無?你係植物「綠手指」抑係「黑手指」呢?。
節目特別邀請親子來賓育璿摎立琪媽媽共下來分享佢兜个經驗。育璿講: 教室肚係種兜青青个植物,上課看著心情就當好! 佢兜班項有試過「地表最強生存植物」个前三名:第三名係「空氣鳳梨」、第二名係「虎尾蘭」、第一名係「黃金葛」。立琪媽媽分享,係愛分教室个植物生到當靚,愛擇耐陰、耐旱个品種,照顧這兜植物有一隻簡單个口訣「毋燥(乾)毋淋水,淋愛淋濕來」,用手指伸落泥肚(伸進泥土裡)摸看啊,燥咧正淋水,成時摎植物徙到窗門脣晒較弱个日頭絲(太陽光),恁樣佢兜就會生到當靚咧!
節目最尾鼓勵大家,一開始毋會種無關係,逐儕都係對「黑手指」開始,多累積經驗就做得變「綠手指」咧。希望透過恁樣个分享,大家做得摎教室个植物照顧到當靚,分學習个氣氛還較好!