32 - EP32上愛食啥物－上好食的中晝頓

「佇厝講台語」第三十二集：上愛食啥物-上好食的中晝頓

今仔日是拜二，欲講的主題是「上愛食啥物」，嘉芬校長佮淑惠老師做伙回想細漢讀國校時食晝的情形。有人轉去厝裡食、有人紮便當來學校炊，同學之間閣會交換物配。

節目特別邀請南港國小的楊婕妤做伙來開講，看這馬學生上期待的營養午餐是啥物。婕妤分享上受歡迎的是滷雞腿、咖哩飯佮甜湯，雖然大鼎煮的青菜較無合味，毋過嘛是真營養。

主持人嘛強調這馬的中晝頓注重原型的食物佮健康減油。希望透過節目，鼓勵學生轉去厝裡分享學校的趣味代，增加佇厝講台語的機會。