46 - 一千賒毋值八百現

一千賒毋值八百現，「賒」是「欠數 」的意思。有一句俗語講 :「無賒不成店 ，賒了店不成 」，做頭家的人若毋予一寡手無利便客欠數,就無愛共你交關，按呢生理就歹做,毋才會講:「無賒不成店 」。毋過，若是逐家攏來欠數，無現金收入,頭家是欲按怎付貨款 ?我看這間店早晏愛關門，所以 生理歹做就是按呢，莫怪人會講 :「狀元囝好生 ，生理囝僫生」。這句「一千賒毋值八百現 」，意思是講頭家甘願拍八折，收八百箍現金,總比予 對方欠一千箍較好，因為會還袂還?當時欲還 ?攏會害你一直操心擘腹，一直煩惱袂煞，不如這馬減趁寡收現金,按呢顛倒較清心、實在 。