43 - EP43啥物當時行－出門免紮錢？

「佇厝講台語」第四十三集：啥物當時行-出門免紮錢

今仔日拜三欲來討論「啥物當時行」，邀請著蘭雅國中的簡靖洋同學來開講，分享這馬上時行的「三寶變一寶」、出門免紮錢佮鎖匙的便利生活。

節目中，主持人講著傳統出門三寶是鎖匙、錢袋仔佮手機仔，靖洋分享講這馬只要有手機仔，坐捷運、火車、高鐵抑是騎 YouBike，攏總「觱」一下就過關；去餐廳食飯嘛會使用手機仔點菜兼納錢。毋過嘛提醒逐家，資料千萬毋通洩漏，閣愛定定換密碼。

最後主持人鼓勵聽眾轉去厝裡佮爸母討論這个時行的話題，增加佇厝講台語的機會。