58 - 細漢偷挽匏，大漢偷牽牛

「細漢偷挽匏，大漢偷牽牛。」是咱定咧聽的俗語，其實足濟人毋知做歹代誌的後果，會「一遍賊，百世賊」，親像這个囡仔偷提物件，去夆㨑著了後移送派出所 ，這件代誌就會成做伊的案底 。就算伊後擺改過向上，毋過等伊去外口上班，若是有人物件拍無去，第一个嫌疑就是伊，因為 「一遍賊，百世賊」，所以「 偷食袂瞞得喙齒，做賊袂瞞得鄉里」，咱愛定共少年人提醒，毋通因為一時的痟貪，煞來造成一世人後悔袂煞的代誌。