102 - 牛牢內觸牛母

欲捙拚去外口，轉來愛好好仔共恁某疼痛，按呢才著。你若講真正有彼種『guts』，你欲佮人拚，就去外口，(佮人拚出頭)，無論你的事業抑是頭路，抑是做生理攏無要緊，你去外口拚，轉來到厝，(佮太太互相疼痛)、互相尊重、互相包容，這才是正港的男子漢，袂當佇厝裡干焦會曉罵太太、會啼袂咬，按呢就較毋好矣。所以這句「牛牢內觸牛母」意思就是講，做翁婿的人毋通外口佮內底表現無仝款，若會使毋通干焦做予人看，你佇厝裡著愛共恁某好好仔疼痛，這才是應該做的工課。