56 - EP56學校心適代－你的冊包敢會傷重？

「佇厝講台語」第五十六集：學校心適代-你的冊包敢會傷重？

今仔日是拜一，咱欲討論的是「學校的心適代」，邀請著大同高中的張簡舒苑同學來現場，做伙關心學生冊包傷重的問題。

節目中，舒苑同學分享逐擺考試的時，冊包就會足重，揹久毋但肩胛頭絚閣痠，行路嘛親像一隻共厝揹佇尻脊骿的露螺仔仝款。伊建議同學選擇揹佇後面的冊包，按呢重量才會平均佇兩爿的肩胛頭。

最後主持人鼓勵聽眾轉去厝裡佮爸媽分享整理冊包的撇步，增加佇厝講台語的機會。