35 - EP35欲去佗𨑨迌－看古蹟體驗文化的媠

「佇厝講台語」第三十五集：欲去佗𨑨迌-看古蹟體驗文化的媠

今仔日是拜五，主題是「欲去佗𨑨迌」，特別邀請南港國小的謝譯霆同學，做伙來開講臺北的歷史景點。

譯霆分享去剝皮寮校外教學的經驗，介紹附近「青草巷」嘛號做「救命巷」的由來；伊有講著去林安泰古厝參加小弟「做度晬」的傳統風俗，過程真正足趣味的。校長嘛推薦逐家參考臺北文獻館網站的20條古蹟路線。

希望透過本集，鼓勵家長歇睏日𤆬囡仔出外去體驗文化的媠，嘛增加佇厝講台語的機會。