129 - 有囝有囝命，無囝天註定

我一个同事，翁某兩个無法度生囡仔，兩人去病院做足濟手術，彼攏艱苦罪過呢，艱苦閣愛開錢，毋過就是向望有一个囝兒序細，毋過就是講攏一直失敗，佇辦公室咧講、咧聽，我聽起來感覺有時真正是命中註定。咱以早的觀念是按呢，「有囝的人散袂久，無囝的人富袂長。」因為「有囝傍囝勢，無囝做到死。」因為早期攏是農業社會，需要有人來鬥做工課，需要有一个查埔的。毋過這馬時代無仝款，所以講「有囝惱，無囝苦。」