148 - 杯底毋通飼金魚

若啉酒我就想著一條流行歌曲，誠好就是:「杯底毋通飼金魚」，(毋通飼金魚)，就是愛按怎？愛啉予焦，(啉予焦)，愛乾杯的意思啦。因為你杯底毋通飼金魚，表示內底有水啊，你若啉予焦，(就袂當飼魚仔)，就袂當飼金魚。這其實嘛算一个歷史的紀念，這條歌是1949年4月18，這是呂泉生先生，佇台北公會堂，就是這馬的台北市中山堂發表的。二二八事件，足濟電台的人攏予人掠去，本省跟外省有足濟衝突，呂泉生先生伊寫這條歌，向望講逐家攏會當好好來當做好朋友、當做知己按呢。