43 - 生囝師仔，飼囝師傅

俗語講:「生囝師仔，飼囝師傅。」生囝是簡單代，欲按怎共囡仔一粒紅紅顧甲大人，逐工搦屎搦尿、操心擘腹，真正是愛費盡苦心。「少年的靠營養，食老就愛靠保養。」囡仔人的發育佮伊所吸收的營養，有誠大的關係。以早序大人咧觀察囡仔的發育狀況，攏會講:「七坐八爬九發牙。」意思是講紅嬰仔七個月大的時，應該愛學會曉坐、八個月大就愛學爬、九個月大喙齒就會發出來。