36 - EP36學校心適代－遊戲場真好耍

「佇厝講台語」第三十六集：學校的心適代-遊戲場真好耍

今仔日是拜一，主題是「學校的心適代」，嘉芬校長佮淑惠老師講著這幾冬公園佮校園的遊戲場變甲誠有特色，有真濟「共融遊戲場」的設計。

節目特別邀請西園國小的林芮安同學，做伙來開講。芮安分享家己上愛刺激的跙流籠，嘛有介紹共融式流籠佮吭翹枋欲按怎耍，最後閣提醒逐家下課的時莫傱來傱去、愛注意安全。

希望透過本集，鼓勵學生轉去厝裡分享校園心適代，增加佇厝講台語的機會。