103 - 王梨頭，西瓜尾

「王梨頭，西瓜尾」就是講咱食果子的時陣，王梨愛食伊頭的部份較甜，啊若西瓜愛食頭家共你教的，尻川彼爿較甜，就是糖分的濟少，這嘛算咱祖先的生活智慧 。其實這馬臺灣的果子，毋 但王梨頭、王梨尾，規粒攏真甜，咱臺灣的農業技術改良實在有夠厲害。其實王梨這種物件真趣味，你看教育部常用詞辭典是寫「 王梨 」，但是華語是寫『鳳梨』，我就佇咧想講是按怎臺語 、華語會差遮濟,後來我查資料了後,感覺真趣味,就講予聽眾朋友罔做參考。清朝康熙的時陣，傳教士共王梨紮來中國，鳳梨的尾溜若親像鳳凰的尾溜,看起來鑿鑿。啊若下跤圓圓是毋是親像梨仔 所以共鳳凰的尾溜,佮梨仔敆做伙，就變『鳳梨』，若照字讀來是叫做 『鳳梨』。毋過咱共破開了後,發覺內底啥物色水？黃色。佇清朝，黃色是啥物人咧用?皇帝咧用 ，所以你看彼是君王咧用，所以就叫做 「 王梨 」 。