45 - 大人煩惱無錢，囡仔歡喜過年。

「大人煩惱無錢，囡仔歡喜過年。 」這句俗語就是講，逐年若到年底，以早欠的數，店裡的頭家攏會揣時間，緊來算予清楚，順紲收數，按呢才袂予人欠過年。致使欠數的序大人，愛去傱錢來還數，而且過年事事項項攏愛開錢，愛款足濟物件、若厝裡無錢，真正是「講著新台票，鬢邊摔摔叫。 」莫怪俗語就會講 「大人煩惱無錢 」。不而過，囡仔人才袂管遮濟，橫直有錢無錢，彼攏是大人的代誌，過年有糖仔餅仔通食、有紅包通提，閣會當出去外口𨑨迌， 當然會 「囡仔歡喜過年。