35 - EP35做麼个番茄醬總係倒毋出來?
同學敢試堵過,玻璃盎肚个番茄醬仰般都倒毋出來个情形?這集《暢樂客語屋,WOW!》个主題係「做麼个番茄醬總係撚(擠)毋出來?」節目邀請到親子來賓分享佢兜親身个經驗。育璿上理化課有學著,番茄醬裡肚有大量个固體粒仔摎聚合物,在恬下來个時節會共下卡當緪(很緊),這安到「非牛頓流體」。
立琪媽媽分享,在打粄、挼片栗粉(太白粉)牽粉个時節,正挼(搓揉)个時節係固體,毋過,手放啊開來就會化做液體流走咧!育璿分享:係愛優雅个摎番茄醬到出來,就要利用「剪切力」-第一步「溫柔个搖」、第二步「精準拍打」暫時破壞番茄醬个網狀結構,降低佢个黏度。
生活滿哪仔(到處)就係科學,學了本集个步數後,希望各位聽眾朋友下二擺都做得優雅个摎盎仔肚个醬料順利倒出來。