106 - 甘蔗無雙頭甜

其實世間的代誌攏嘛「有一好，無兩好」。甘蔗雖然有遮爾濟好處，毋過我以早捌看過新聞報導，電視台講有三種人絕對袂當啉甘蔗汁，親像糖尿病的患者、有身的人以及脾胃虛寒的人，因為甘蔗較寒，定腹肚痛疼的人食甘蔗會加重病情，咱就愛注意。其實這種狀況就佮「甘蔗無雙頭甜」這句俗語仝款意思，世間的代誌無可能十全十美，就親像甘蔗總是頭較甜，尾較汫，無法度自頭到尾攏仝款甜。