126 - 好好鱟刣甲屎那流

「好好鱟刣甲屎流」，就是在講按怎？技術足歹，半桶師，有時甚至像你頭仔講彼個少年家共你用甲倒去，用一句話共譙講按怎，「生雞卵無，放雞屎有」，這實在足害，所以有時足濟物件，咱愛有法度共物件用予起來，尤其做代誌「緊事緩辦」，沓沓仔來，所以毋通傷過趕緊，所以有時人笑這「半桶師仔找無榫，三跤椅仔坐袂穩」，孔就是捺落去，榫就是吐出來，所以講半桶師仔找無榫，明明吐佇彼你擱看無，三跤椅仔坐袂穩就是講按怎，技術無好，所以咱愛加強咱家己的實力，「魚趁鮮，人趁茈」；「做人好內才，學問滿腹內」，趁少年愛好好學習喔