105 - 外甥食母舅，親像食豆腐

外甥若去母舅的厝裡𨑨迌的時陣，因為母舅較寵倖，你欲食啥、欲創啥攏據在你去。有時囡仔佇家己厝內，咱攏較會要求規矩，不而過囡仔若走去母舅遐，這敢是咱兜?做你共𧿬踏攏無要緊。表示你食物件，食起來真礙虐，因為外甥到母舅兜，彼是欲去𨑨迌，母舅足倖，逐家攏講無要緊。不而過你是母舅，你欲去外甥兜，你是長輩，所以咱俗語講:「外甥食母舅，親像食豆腐」。尾仔後壁閣加一句，「母舅食外甥，親像豬母哺鐵釘。」你穿插愛較撆紮、愛較整齊咧，而且坐愛大段，所以母舅食外甥，就愛較守規矩，袂使烏白來。