14 - EP14睡眠的必要性

《暢樂客語屋，WOW！》本集討論「睡眠的必要性」。透過街訪摎來賓訪談，分享學生對睡眠重要性个看法。有學生認為，睡毋罅上課會聽不落去；還有學生講睡眠就像係手機仔充電共樣。主持人總結，大家都曉得睡得好，學習摎心情都會變得還較好。
節目邀請雯竹摎佢阿姆淑惠共下參加。雯竹分享，逐日十點就去睡目，分佢第二日上課精神當好。淑惠媽媽乜觀察到，睡毋好毋單淨影響學習，還會分細人仔情緒毋穩定，成時還會變到心糟糟。這下科學研究證明，良好个睡眠對大腦記憶整理摎情緒管理有幫助。
淑惠媽媽乜分享屋下睡目前會提醒雯竹莫看手機仔，改做共下讀兜仔故事書，分心情放較鬆，定定仔就睡忒吔。包尾，雯竹鼓勵大家早睡早䟘，睡飽正有力頭學習。節目希望大家做得重視「睡眠」這件事情，毋單淨係休息，乜係摎𠊎兜身心健康𢯭手个重要關鍵！