90 - 大鼎未滾，細鼎沖沖滾

阿如，「大鼎未滾，細鼎沖沖滾」原本的意思是大人咧罵囡仔毋捌講話的禮 數 ，大人猶未開喙，囡仔人就搶咧講，按呢實在真毋好，因為囡仔人有時閣毋捌一粒芋仔番薯，毋通猶未共代誌想清楚進前就烏白講話。結果這馬這句「大鼎未滾，細鼎沖沖滾」，嘛定定予人提來形容無本事閣興喋的人， 這種人咱嘛會當講伊是「 無毛雞假大格」
安住老師，「飽穗的稻仔，頭犁犁」 、「材料夠，毋是新婦𠢕」是講謙虛袂膨風 ，規个共抾做伙，應該就是 「有的人毋講，無的人品褒」對否？